Diadomingo atardi Polis a bay atende un problema na Saliña Cerca. Ey a topa un homber di inicial H.M. di nacionalidad Hulandes cu a haya su mes den problema cu su ex te cu a yega na agresion. E homber tin un funcion importante na Hospital. Parce cu e homber tin un adiccion na casino, pero e situacion a bay asina leu cu esunnan na cas a yama Polis pe. E biaha aki el a pusha su yiu muhe di 13 aña y tambe a pusha e mama di su yiu cu ta su ex casa.
Ademas di pusha, el a insultanan masha mahos. Pa caba di corona e obra, e homber hasta tin dos pareha pareu den mesun cas. Di mes e no por controla e presion familiar asina. Ora cu Polis a atende seriamente cune, el a bisa e ex casa cu e por keda cu e muchanan. E dos muchanan ta di 13 y 14 aña.
Polis a hiba e muchanan Warda di Polis na Shaba pa sigui cu e proceso. A yama Voogdijraad y tambe a yama slachtofferhulp. No ta conoci si a haci denuncia contra e homber. Sigur un weekend amargo pa e famia cu a pasa den un proceso di pushamento y insulto.
