No ta cos di copia, tampoco di desea, ni tampoco haci, pasobra Dios ta bisa pa huy for di inmoralidad sexual.
E cos ta birando manera un hobby y hopi ta esnan cu ta cay den e trampa aki y hopi ta biba den dje pensando cu nan ta feliz, y sin ripara cu nan ta bezig ta destrui nan mes.
Inmoralidad sexual a causa hopi divorcio, hopi mucha traumatisa, pa motibo cu nan mayornan ta iresponsabel, pasobra hopi biaha ora e homber cay den inmoralidad sexual e muher ta tuma venganasa y ta bay comete mesun bagamunderia, asina demostra cu e tambe por, esey ta haci hopi dolor na e yuinan, y cu poco palabra e enemigo a logra di destrui e matrimonio y e famia.
No chansa cu adulterio/ inmoralidad sexual pasobra:
Bo ta participa den maldad.(Prov 6:24)
Bo deseo ta mantene bo preso.( Prov 6:25)
Lo bo perde tur cos.(Prov 6:26)
Bo castigo ( pago) lo ta inevitabel ( Prov 6:27-29).
Bo no por debolbe locual bo a horta (Prov 6:30-31-35)
Bo ta un bobo ( Prov 6:32)
Bo ta destrui bo mes( Prov 6:32).
Bo mes ta crea bo herida( Prov 6:33)
Bo ta wordo deshonra( Prov 6:33)
Lo bo perde tur bo tempo.(Prov 6:34)
Awendia inmoralidad ta wordo propaganda , na t.v., riba telefon, riba internet, proposicion indecente ta wordo haci tur caminda,y inmoralidad ta wordo comete tur caminda.
Inmoralidad ta sali di curazon, pesey e ta peligroso, pasobra e por wordo evita, si abo tuma e decision di arepenti y no lage crece, pasobra si un mata shimaron nace den bo cunuco y bo no mate na chikito e mata ey lo destrui henter bo cunuco ora e crece.Bo no por controle.
Asina ta e pica di inmoralidad sexual cu tin hopi hende den prison cu castigo halto y tin hopi cu te ainda no ta compronde cu no ta cos di haci, tin hende cu keto bay ta sigi purba cu relacion sexual cu menor di edad , cu tambe ta cay bao di inmoralidad sexual, ta parce cu nan no ta ripara e daño cu nan ta haci na nan mes y otro nan.
Inmoralidad sexual ta lanta furia di Dios contra hende, pasobra den esey hende ta demostra gran desobedencia.(Colosensenan 3:5+6).
Inmoralidad sexual ta causa cu hende lo no hereda e reino di Dios, tur locual ta sexualidad contra e naturalesa di Dios, cu ta contrali na locual Dios a establece entre homber y muher ta inmoralidad sexual.
No ta importa ken ta aproba, apoya, of ta consenti, of ta promove, Dios su palabra no ta cambia ( 1Corintionan 6:18+19)
Tin hende ta considera inmoralidad como nan negoshi, nan forma di gana placa, pero Dios ta bisa huy for di dje.
Aunke hende ta haci manera nan no sa, of nan no kier sa, of ta haci bofon di Dios.
Nos kier recorda tur hende locual Dios ta bisa den 1 Corintionan 6:9+10: No laga nan gaña boso; ni fornicado, ni adorador di dios falso,ni adultero, ni esnan afemina, ni homosexual,ni ladrom , ni esnan golos pa placa,ni burache,ni blasfemado, ni estafado lo no hereda e reino di Dios.
Esun cu sconde su picanan lo no prospera, ma esun cu confesa y laga nan,lo haña misericordia (Prov 28:13).
Awel tur hende cu ta comete inmoralidad sexual, of ta biba den inmoralidad sexual,por arepenti y ricibi misericordia di Dios y salbacion pa nan alma y bida eterna. ( 1Juan 1:9)
Sinceramente , Pastor Marcel Balootje.
