Awe den oranan di mainta Corte a anuncia e veredicto den e caso cu e musico Claudius Philips a cuminsa contra Daury Rodriguez pa difamacion.
Hues den su veredicto a conclui cu den un bodemprocedure, Philips lo gana un caso pa daño, mirando cu Rodriguez a haci diferente acusacion cu e no por a proba.
Hues a bisa cu libertad di expresion no ta bay solamente pa contenido di e expresion. Pero tambe e forma den cual esaki ta wordo expresa. Y e ta bay tambe con ofensivo y dañino e expresionnan aki por ta pa e otro persona.
A dicidi cu den 24 ora di tempo Daury Rodriguez mester kita e post ofensivo unda el a yama Philips pa pedofiel pero tambe mester pone un rectificacion prome cu 24 ora transcuri. Hues a bay hopi amplio pakico el a yega na e decision aki
