Diamars ultimo a tuma luga ‘Vier Landen Overleg’ (VLO) na nos hermana isla Corsou. Aki e mandatarionan di enseñansa di e paisnan Aruba, Corsou, St. Maarten y Hulanda a reuni na Corsou p’asina palabra con por sigui traha hunto pa hiba enseñansa riba e paisnan padilanti. For di e mandatario di Hulanda, dr. Robbert Dijkgraaf ta sinti cu ta dispuesto pa yuda e otro paisnan den reino te unda cu por.
A puntra e mandatario riba e posibilidad pa si tin un kiebro di capacidad riba nos isla pa docentenan di Hulanda bin duna les na Aruba. E mandatario Hulandes a duna di conoce cu enseñansa ta un asunto cu cada pais tin cu atende riba nivel nacional. Claro, ora mira bek riba e retonan, e paisnan ta comparti mayoria cu ta casi mesun cos. Y ey ta caminda cu e paisnan tin cu yuda otro. Hunto tin cu bay mehora e aparato di enseñansa.
