Diahuebs, den careda di 12:15am polis a presenta cu urgencia pa un caso di maltrato pisa, den Boliviastraat 33, na Playa.
Aki ta caminda un caso serio di maltrato pisa a tuma luga caminda c’un problema di pareha, un biaha mas ta bay for di man. E victima, un persona femenino, a keda cu basta sla na su cara y tabata sangra mahos.
E agresor, cu a huy for di e sitio despues di a comete e agresion, a agredi e victima c’un tubo y a kibra un stoel riba su lomba. Tabata e bisiñanan cu a scucha desordo cu a bati alarma.
No a dura mucho cu e polisnan a detene e agresor.
E adres no ta uno desconoci pa polis. Na mas di un ocasion polis a yega n’e sitio aki caba, pa e mesun problema entre e mesun pareha.
A pidi asistencia di ambulance, pero e victima mes a bandona e sitio y a cana bay den direccion di Arendsstraat. Un rato despues e polisnan tambe a bandona e sitio.
