E ultimo 24 oranan tin un total di 16.364 caso nobo di infeccion di Coronavirus na Hulanda. Esaki ta e cantidad record di infeccion den un solo dia, despues di e pandemia. E cantidad di 16.364 caso ta net 3.688 caso mas compara cu ayera! Ta bin acerca cu tin casi 1700 pashent interna cu Covid-19 den hospitalnan na Hulanda. E ultimo record tabata di december 2020, ora cu tabatin 12.997 caso den un solo dia.
Ta anticipa cu mañan diabierna, durante un conferencia di prensa di gobierno di Hulanda, probablemente lo anuncia medidanan nobo. Na Hulanda mes ta papiando di “lockdown-achtige maatregelen” aplicabel den e siguiente dianan pa baha e casonan drasticamente pa evita cu tur hende lo mester keda cera den cas durante dianan di fiesta, esta Pasco y aña nobo.
