Kathy Ruiz Paskel a bay Corte contra un decision tuma door di su minister, Glenbert Croes.
E mandatario a move for di e puesto di Director di DIMAS y pa seis luna a mand’e traha como hurista na Directie Wetgeving en Juridische Zaken (DWJZ). Un decision cu Ruiz Paskel no por a acepta pasobra e ta baha di posicion.
El a entrega un obhecion dia 29 di augustus na Corte. A trata esaki den Raadkamer dia 18 di september ultimo.
Pero den e caso aki Hues a señala cu tin algun punto a base di cual cu e mandatario a tuma e decision contra Ruiz Paskel, cu den bodemprocedure e lo no tin pia pa pariba dje. P’esey di e decision di awe pa schors e decision di e mandatario.
Hues den su veredicto awe den oranan di mainta a bisa cu e decision di Minister Glenbert Croes ta un desbentaha desproporcional pa Kathy Ruiz Paskel pa cual tin base pa pospone e decision aki te ora cu tin un decision den e obhecion entrega na Corte.
Lesa TREMPAN pa un relato amplio.
