Presidencia di Parlamento den man di Polis

Diabierna dia 17 di November 2017 tabata un dia masha particular pa pais Aruba, un dia hasta historico. No solamente a yama “Bon Bini” na Gabinete Wever-Croes, pero na mes momento mainta Presidencia di Parlamento, e organo mas halto di nos pais, a keda den man di 2 Polis.

Pa un dia e tabata Presidente y Allan Howell tabata Vice Presidente di Parlamento. Awor Guilfred Besaril ta bira Minister Plenipotenciario di Aruba na Hulanda y mr. Juan “Ady” Thijsen ta tuma timon di Parlamento over.

Mester menciona cu separa di Besaril y Howell, cu Parlamento ta conta cu dos Polis mas, den persona di Rocco Tjon cu awor a bira Lider di Fraccion di MEP y Robert Candelaria cu ta miembro di Parlamento pa fraccion di AVP.