SMAC, organisado di e eventonan carnavalesco, ta mira atras riba un anochi exitoso cu Festival Tumberito, Calypso y Roadmarch di mucha a trece cu ne. E evento a tuma luga den Entertainment Center.
Shariska Kamperveen, miembro di Comision Tumberito/Calypso & Roadmarch Infantil y Hubenil, a bisa cu un di e retonan tabata e yobida cu ta algo cu no por pronostica ki ora e ta yega. Pero, a pesar di esey e no por bisa nada otro cu e anochi tabata tremendo y e menornan
participante a pasa un anochi hopi agradabel.
E preparacionnan ta un cos pero cu e retonan cu a confronta, pasenshi y bon comunicacion ta trece un solucion cu tur hende na final a keda contento. Ta satisfecho cu e resultado pasobra despues di un ausencia di dos aña, e publico tabata grandi. E cambio cu a haci a duna su bon resultado, segun Haydy Boekhoudt, miembro di Comision Tumberito/Calypso & Roadmarch Infantil y Hubenil. El a bisa cu aunke e participantenan no tabata hopi pa loke ta calidad esaki tabata hopi halto cu a laga e organisadonan contento cu
esaki.
E aña ’ki a haci un prueba pa combina e dos festivalnan, cu a trece bon ambiente. Pero pa otro aña cu ta e di 70 celebracion lo bay evalua si ta pone esaki hunto atrobe. Tur cos ta depende di e cantidad di participante. E aña ’ki a logra want’e bon toch cu e participantenan. E reto sigur, nan a bisa, ta pa haya mas participante. Pa esaki lo bay haci un evaluacion, lo scucha sugerencia, riba con pa haya mas mucha y hoben pa participa den e festivalnan aki. E meta ta pa yega na un miho forma pa haci e festival di e muchanan aki hopi mas grandi.
Ta gradici pueblo cu a coopera y satisfecho cu e bon acogida cu e festivalnan aki a ricibi. Ta haci un apelacion na tur radio emisora pa toch e cancion di e ganadonan.
E resultado
PRE-INFANTIL
Ganado:
Carl Jr. Roosberg “Galloway Jr.”
Titulo di Roadmarch: “Baby Smoke Stroke”
Segundo luga:
Anaiah Pantophlet “Princess Nayah”
Titulo di Roadmarch: “Fly with Me”
Best Costume:
Carl Jr. Roosberg “Galloway Jr.”
Mas popular:
Anaiah Pantophlet “Princess Nayah”
Rookie of the year:
Anaiah Pantophlet “Princess Nayah”
Premio ambiente:
Carl Jr. Roosberg “Galloway Jr.”
INFANTIL
Ganado:
Zenae Vesprey ”Easy Z”
Titulo di Roadmarch: “Break Away”
Segundo luga:
Eurwin Joshwayne Willems “Mighty Coachi”
Titulo di Roadmarch: Soldat Di Caya
Best contume:
Zenae Vesprey ”Easy Z”
Mas popular:
Eurwin Joshwayne Willems “Mighty Coachi”
Premio ambiente:
Zenae Vesprey ”Easy Z”
HUBENIL
Calypso ganado:
Caylee Pietersz “Dancing Cay”
Titulo di Calypso: The Show Must Go On
Roadmarch ganado:
Jorienne Angela “Queen Gigi”
Titulo di Roadmarch: 911
Segundo luga:
Reanne Ras “Queen Reanne”
Titulo di Roadmarch: Suavecito on The Road
Tercer luga:
Caylee Pietersz “Dancing Cay”
Titulo di Roadmarch: Move out the way
Best costume:
Jorienne Angela “Queen Gigi”
Mas popular:
Reanne Ras “Queen Reanne”
Premio ambiente:
Jorienne Angela “Queen Gigi”
RESULTADO TUMBERITO
INFANTIL
Ganado:
Carl-Anthony Petrocchi “King Carl”
Titulo di Tumba: Trein di Ambiente
Segundo luga:
Ian Tromp “Ian Way”
Titulo di Tumba: Den Mi Truck
Best Costume:
Ian tromp “Ian Way”
Mas popular:
Ian Tromp “Ian Way”
Rookie of the year:
Lizienne Webb “Lizie”
Premio ambiente:
Ian Tromp “Ian Way”
HUBENIL
Ganado:
Caylee Pietersz “Dancing Cay”
Titulo di Tumba: “Den Salon di Fama”
Segundo luga:Asia Libie “ASIA”
Titulo di Tumba: B’a hasi mi falta
Tercer luga:
Zoë Boekhoudt “Queen Zoë”
Titulo di Tumba: Ambiente ta ami
Best costume:
Jorienne Angela “Queen Gigi”
Mas popular:
Jorienne Angela “Queen Gigi”
Premio ambiente:
Jorienne Angela “Queen Gigi”
