Diasabra, den ora tempran di marduga cu un fanatico di Colombia tabata cana su so perdi. Segun algun testigo e persona aki tabata mustra mal cansa te cu hasta auto a hera dal e riba caminda.
E persona aki a dicidi di bay bishita Cas di Partido AVP. Mirando su estado cu e tabata aden, e personal di Cas di Partido na prome instante no kier a ni laga drenta. Sinembargo e persona a insisti cu ta 1 cerbes so e kier a cumpra y nada mas. Nan a dicidi di pasa man na nan curason y a lage drenta toch.
Lametablemente e persona tabata asina cansa cu e laga su cerbes cay y a cuminsa cana zwaai dal den mesa bentandon asina drinks abou di e demas bishitantenan. Aki e doño di e bar, pa proteha e paz y trankilidad di e otro bishitantenan a pidi e cabayero pa sali for di e luga. Na momento di sali e persona cu su t-shirt di Colombia a perde balansa y a cay abou kap su cara. Ambulance na e sitio a trata e cabayero pa su heridonan y polis a tuma nota di e situacion.
