Djaweps 13 di yüni 2019, tabatin un kaso di hinkamentu ku a tuma lugá den área di Santo Domingoweg (komuninkado di prensa 229/2019). Riba e dia en kestion un hòmber a propiná un otro hòmber un hinká tras di su orea probablemente ku un skèr.
Ambulans a transportá e víktima pa poliklínika di SEHOS pa tratamentu médiko. Awe djaweps 27 di yüni 2019, den oranan di mèrdia a drenta informashon ku e hòmber Marshell Chelo Servania, nasé na Kòrsou dia 15 di mei 1999, a fayesé. Riba òrdu di fiskal di Ministerio Públiko a konfiská e kurpa sin bida pa mas investigashon.
