Dialuna anochi, varios unidad di polis a bay cu urgencia den direccion di Koningstraat, na un adres caminda cu a drenta informacion cu lo tabata tin un homber cu a menasa hende cu arma di candela, exigiendo placa.
Aparentemente no ta prome biaha cu e ta yega na e adres y varios unidad di Playa a bay na e sitio. Ora cu nan a yega, a topa cu e dama. E dama ta splica polis cu e homber aki ya caba den pasado a yega di kita placa for di dje y ta menasa den un forma basta serio.
E biaha aki el a bin, pidiendo 15 mil florin, sino ta bay tin problema. E homber aparentemente no ta traha y polis a sinta scucha e dama su storia y a puntre tambe si e homber tabata arma.
Pasobra a meld cu e homber ta arma, etc. Ora a papia cu e dama, el a splica cu e no a mira ningun arma. Si ta e caso cu e homber ta menas’e. E dama tin miedo cu e homber ta bolbe y caus’e daño.
Polis a splik’e cu e mester haci un denuncia oficial na recherche, cual el a keda di bay haci. Awor aki nan a bise tambe cu si e homber bolbe, yama polis mesora pa nan yega y topa cun’e. Aparentemente e ta core den auto, pero nan no sa precies cua auto e ta core.
Awor aki ta cuestion di sigui un proceso oficial. Polis tin duda den e declaracion di e dama. Pero naturalmente nan a tuma e caso toch como uno serio.
