Den ultimo tempo ta sosode hopi caso di maltrato sea entre pareha of yiu contra mayornan. Un biaha mas esaki a pasa. Diahuebs den careda di 5:30PM a sosode un caso di maltrato na Seroe Blanco. Ta trata cu un homber tabata maltrata e mama dilanti su yiunan.
Unidad policial di Oranjestad a presenta na e sitio pa interveni den e situacion aki. Na yegada e agentenan a cuminsa papia cu e mama pa trankilis’e.
Na mes momento a pidi asistencia di slachtoffer hulp pa atende cu e muchanan, kendenan tabata hopi spanta di mira con e maltrato a tuma luga. E agresor mes no tabata na e sitio ora cu polis a presenta.
