Tabata den careda di 1’or di marduga ora cu Polis a bay pa un asistencia na Celsiusstraat, caminda un homber a maltrata un hende muhe. Na yegada di Polis, ya caba e agresor a bandona sitio. Polis a bisa e dama pa bay entrega keho na recherche. No tabata ni un ora despues caminda cu Polis a bay na un otro adres den Caya G. F. Betico Croes, aki a bin topa cu otro dama maltrata. Pa colmo tabata e mesun homber cu a agredi e dama den Celsiusstraat. E agresor tabata herida, por specula cu den e intercambio di sla, e dama a parti dos den su cara. Cu cara na sanger a detene y transporte pa Warda.
