Diabierna despues di merdia e trabounan of basta servicio na Hospital a paralisa. Un parti tin di haber cu e holo di Diesel cu a acumula den e edificio. Fuentenan a bisa cu nan tin famia cu mester opera y awor e holo di Diesel a pone cu a para tur cos.
A avisa Bomberonan mesora y a presenta pa cuminsa inspecciona e areanan. A evacua diferente zona y tabatin prohibicion tambe pa drenta cierto zona. Parce cu ora e coriente e bay e generatornan a activa. Djey coriente a bin y nan a paga. Atrobe coriente a bay y atrobe e generatornan a activa. Ora e coriente a bin bek parce eynan e problema a bin. E holo di Diesel a plama den e sistema cu a laga cuerto piso y cierto departamento crucial sin servicio.
