Diadomingo 9:30am a yama Polis pa un homber cu a cay den baño y no tabata duna señal di bida. Polis y Ambulance a yega na e cas situa na Esso Heights # 102 y berdad a topa cu un Miguel Hassel naci na St. Maarten di aña 1986 y como tal tin apenas 32 aña di edad, cu no tabata reacciona. Dr. Wever a presenta na e sitio y a constata morto pa 10:30am.
Vocero di Polis a splica prensa cu e victima ta sufri di un enfermedad y e ta pensa pesey mes Dokter a opta pa constata morto natural y entrega e cadaver mesora na famia. E victima ta procedente di St. Maarten. Slachtofferhulp a presenta pa sostene famia, cu a keda den shock pa morto repentino di e hoben, cu ta un pia di morocho.
