Diabierna marduga, pa mas of menos 1:30 am, a ricibi informacion cu a tuma luga un hit & run den Emmastraat..
Un Daihatsu Terios a lora na e skina di dicho caya y e chauffeur lo a perde control, bashando e cura di Xavier University abao.
Den e mesun rosea el a purba di huy bay. E no a yega mucho leu, ya cu debi cu su tire a kap, polis a logra par’e den Rudolf Arendsstraat.
A bay over na detene e hoben aki, pero e chauffeur, kende tabata un hoben, a resisti su detencion. Sinembargo polis a logra boei’e y hinc’e den transportwagen y hib’e warda.
A mustra cu e hoben aki tabata bao di influencia di un ke otro substancia, mirando su comportacion na momento cu a detene y tambe ora cu a bah’e na warda.
Mientras tanto daño material tabata considerabel.
