Dos aña pasa, ora cu Deportivo Nacional a titula campeon, despues di 10 aña, tabata precisamente contra SV RCA mes. Diahuebs awor lo tuma luga e di tres y ultimo wega di e playoff (best out of three), pasobra un wega Nacional a gana y un wega RCA a gana. Pues diahuebs awor mester tin un ganado, sino lo hunga extra tempo y si ainda no logra yega na un ganado, lo bay te pinalti.

E wega di diasabra anochi a caba cu score di 1-0 na fabor di RCA. Tabata un wega cu algun carchi geel incluyendo cora. Stadion tabata yen di fanatico di ambos ekipo pasobra pa Nacional, un empate mes lo a traduci den un victoria. E presion como tal tabata riba SV RCA cu si mester a gana, pa pusha un di tres wega pa campeon. Esey lo sosode diahuebs awor. Yega trempan pasobra obviamente cu ambos ekipo lo yega cu tur nan fanaticonan cu un solo plan, yena stadion tur cu tin, pa celebra despues e victoria.

Ta mas cu claro cu diahuebs anochi lo tin fiesta, sea ta na veld di Nacional na Alto Vista of na veld di RCA na Solito. E miho manera pa sa esaki, ta dor di yega stadion G.P. Trinidad na Dakota y apoya bo ekipo faborito.

SV RCA a gana Deportivo Nacional diasabra anochi den stadio G.P. Trinidad na Dakota. Diahuebs awor un di e dos ekiponan…

Posted by 24ora on Sunday, June 16, 2019

Sport Vereniging Racing Club Aruba
A funda SV Racing Club Aruba (RCA) dia 15 di februari 1934. E team a sa di crece den e ultimo 85 añanan te bira un organisacion di riba 300 futbolista. Nan ta parti den division di infantil, hubenil, hoofdklas, damas, 35+, 40+ y 50+. Roland “Ditto” Acosta ta Presidente di e organisacion, mientras cu Omar Tromp ta e coach di e ekipo di 25 futbolista cu ta hunga den e division di Honor. Historia a conta nos cu den pasado, e ekipo di RCA a logra titula campeon na 34 ocasion. E ekipo di RCA ta e prome campeon di pais Aruba na aña 1986 y ta e prome team di Aruba pa bira campeon Antiano na aña 1966. E ultimo biaha cu SV RCA a bay cas cu e trofeo di campeon tabata den e campeonato di aña 2015-2016, e tempo ey contra SV Dakota. SV RCA ta conta cu sosten di su patrocinadonan Big Wheel Lottery y  Powerade (Tropical Bottling Company).


Deportivo Nacional

A funda Deportivo Nacional dia 15 di Maart 1970 y desde e tempo ey a haci historia den e deporte rey di futbol. Nan ta profila den tur liga di futbol, manera ta division mini baby, baby, Lifida A, Lifida B, Mayor, Junioren y Division Honor. Tambe nan ta den e liga veterano 35, 40 y 50. Mas o menos 200 futbolista ta hunga pa Deportivo Nacional den tur division incluyendo e muchanan cu ta hunga den Lifida. Desde fin di aña 2015 a inaugura nan veld di bala nobo situa na Alto Vista. Presidente di Nacional/Coca Cola ta Silo Brete y e nan entrenador ta Dreyer Bracho. Ultimo biaha cu Nacional a bay cu e titulo di campeon tabata na aña 20016-20017. Den nan trayecoria a titula 5 biaha campeon y 4 biaha sub campeon. Deportivo Nacional ta conta cu sosten di Coca Cola di Tropical Bottling Company.


Arubaanse Voetbal Bond

A funda Arubaanse Voetbal Bond (AVB) na aña 1932 y a afilia na CONCACAF na aña 1986 y despues na FIFA na aña 1988. E ta e organisacion cu ta maneha futbol amateur y profesional riba nos isla, incluyendo e A funda Arubaanse Voetbal Bond na aña 1932 y a afilia na CONCACAF na aña 1986 y despues na FIFA na aña 1988. E ta e organisacion cu ta maneha futbol amateur y profesional riba nos isla, incluyendo e muchanan, hoben, hende muhe y adultonan. E ta responsabel pa sanciona e refereenan y e torneonan di futbol organisa pa mayoria liga. Nan oficina ta situa den Compleho Deportivo Frans Figaroa na Noord.

Comments

comments