E punto aki ta uno hopi sensitivo. MEP ta haya cu e maneho di Minister Ursell Arends tabata uno pura y incomprendibel.
Pensamento personal di Hendrik Tevreden, parlamentario (MEP), ta cu e decisionnan p’e desaroyo di Parkietenbos a cay prome cu tempo, mescos cu parkeer. A pone stickers y yen cos cu a trece intrankilidad sin cu e lineanan tabata bon poni y marca pa tur hende compronde kico necesariamente, y obligatoriamente mester pasa. Tin cu parkeer bon, pero tambe MEP ta di acuerdo cu mester paga pa parkeer. Tambe ta di acuerdo cu mester tin un ordo den centro di Oranjestad.
E maneho mester bay den un forma, unda cu henter pueblo por compronde. Aki el a referi na kico ta bay pasa, con e ta bay pasa y ki tempo e ta bay pasa. Segun Tevreden, nan a haci e trabou di pidi pa un reunion, pero ta keda n’e presidente di Parlamento pa haci yamada dje reunion. Tambe e schedule di minister p’e por acudi n’e reunion.
Pa MEP e reunion aki ta uno importante p’esaki sigui. Tambe nan spera di haya e contesta y apoyo dje parlamento den su totalidad, totalidad di e fraccionnan p’e reunion aki por bay door. Tevreden ta kere cu informacion ta necesario, pa motibo cu esaki ta trece trankilidad, pero tambe ta laga tur hende na altura di kico y con algo tin di sosode.
Pa mas lesa TREMPAN.COM.
