Fraccion MEP a manda un mensahe pa Accion21 riba su plan di COHO. Den Haag mes a indica cu COHO tin di baha fo’i mesa. E fraccion ta spera cu e parlamentario Mansur reflexiona cu pais Aruba no ta na benta.
Hendrik Tevreden, parlamentario (MEP), a indica cu e plan di Accion21 di trece cu ful imponencia di COHO pa ta atendi p’e ambtenaarnan, ta pasobra Accion21 tin desconfiansa den e lidernan cu e pais aki a sconde. Pero esaki a backfire, pasobra na Den Haag mes cu Accion21 a para grita banda di nan, e mesun ambtenaarnan a bis’e segun e reglanan, segun e leynan esaki no ta posibel y COHO tin di baha fo’i mesa.
Tevreden ta spera cu di akinan Miguel Mansur por reflexiona cu pais Aruba no ta na benta cu Den Haag. Pero pais Aruba ta democratico cu ta scoge su parlamento pa nan por dicidi, controla y guia e proceso democratico den un pais.
Fraccion MEP a manda pregunta critico pa Tweede Kamer, unda cu nan mester a haya contesta di nan gobierno. Pero e realidad ta, segun Tevreden, cu e contestanan aki nunca a yega. Esaki ta debi cu e preguntanan tabata hopi critico, tambe e fraccion tabata sa cu e tabata dificil pa nan contesta.
Pa mas lesa TREMPAN.COM.
