Partido MEP a tuma nota di basta critica despues cu Minister di Finansa y Cultura Xiomara Maduro a informa riba pagina social cu e aña aki ambtenaarnan a cobra 1.918 Florin na Bashi Premie.
Na prome luga, ta deber di gobierno pa anuncia cualkier logro den e tempo dificil cu nos ta bibando aden finacieramente causa pa e pandemia. Partido MEP ta haya di acuerdo cu gobierno a anuncia tipo di logronan asina. Hendrik Tevreden lider di MEP a vocifera cu e logra aki tabata sin ayudo di Hulanda. Gobierno su deber ta pa anuncia mal noticia y sigur mas ainda, tur bon noticia.
Na di dos luga, e cifra aki no ta un cifra secreto. Bashi Premie no a conta den e reduccion di salario y gastonan personal di Gobierno pa bin na remarke pa haya fiansa di Hulanda. Pero Aruba ta den crisis ainda y esfuersonan grandi di gobierno y profesionalnan cu a haci tur posibel, por a paga cada empleado publico e suma completo di Bashi Premie despues di un temporada festivo.
Cu e minister di finansa a publica e suma manera a wordo paga, no tawata pa trapa teenchi di ningun hende, pa saca secreto afo of trece problema den parehanan. E suma a wordo publica mas bien cu e speransa pa trece tiki alegria cu gobierno, despues di hopi esfuerso, y sin ayudo di Hulanda, a haci tur posibel pa entrega ambtenaarnan Bashi Premie completo.
Bashi premie no ta conta pa minister y parlamentario
Ta na su luga pa coregi tambe informacionnan robes cu Ministernan di Gabinete Wever-Croes tambe ta haya Bashi Premie. Esaki no ta asina. Bashi Premie no ta regula ni pa ministernan y tampoco parlamentario.
Partido MEP ta felicita gobierno y profesionalnan financiero cu a logra esaki. Esaki ta un motibo cu mester a trece alegra den pueblo y mas ainda den empleadonan publico. Pasobra esaki ta un muestra cu Aruba ta recuperando apesar di e esfuersonan cu mester a haci pa logra esaki. Ta esfuerso tambe cu pueblo di Aruba den su totalidad a coopera na dje cu e sacrificionan, trabounan, dedicacion y tambe nos cordialidad pa cu nos pilar economico
