Recientemente Minister di Turismo, Transporte y Labor, mr. Wendrick Cicilia, a reuni cu Minister di Husticia, mr. drs. Arthur Dowers, pa dialoga riba un colaboracion mas estrecho cu Aruba Hospitality Security Foundation (AHSF), cu atencion particular pa siguridad den e area hotelero y turistico.
Durante e encuentro a papia riba prevencion, intercambio di informacion y coordinacion entre Gobierno, sector turistico y partnernan den siguridad. E meta ta pa identifica riesgonan na tempo y fortalece un ambiente sigur pa nos comunidad, trahadonan y bishitantenan.
Di parti di gobierno ta biba e intencion pa uza parti di e fondo aki pa Cuerpo Policial Aruba. En bes di aumenta e presupuesto pa mas security guard, ta evalua pa ofrece e grupo pa solicita pa drenta Scol pa Polis na november proximo. Cuerpo Policial lo conta cu e presupuesto aki pa cubri e gastonan rond di reclutacion y educacion di e grupo aki como polis. No por garantisa cu tur lo pasa e screening, pero lo duna nan prioridad.
E gastonan pa tin e ekipo di siguridad den area turistico toch ta basta halto. Por ehempel nan ta ricibi training di un grupo di Israel cu ta costa no menos cu 600 mil florin.
Mas polis cu logra recluta den e proceso, mas presencia policial lo por conta cu ne den e area.
Ambos ministerio lo sigui traha hunto cu AHSF pa concretisa e puntonan discuti y establece un cooperacion structural, contribuyendo na un Aruba mas sigur pa tur hende.
