Diabierna ultimo, gobierno a retracta e permiso di operacion pa un parke di molina na Urirama y lo evalua pa establece esaki na un otro luga alternativo leu di areanan habita.
Esaki segun minister di husticia Andin Bikker, durante e conferencia di prensa semanal di gobierno.
E ser humano central
E mandatario a splica cu ora ta bisa cu ser humano ta central, cual esey ta algo central pa gabinete Wever-Croes, mester pone hechonan na loke bo ta bisa y esey ta loke nan ta haciendo. Ora cu habitantenan ta biba den areanan caminda cu nan no por bay den nan cura di cas, ni yunan no por hunga, mester keda cera den cas, pagando cuentanan exorbitante pasobra nan no por sali pafo. Nan ta entrega keho na e gobierno saliente y nunca no a haya atencion pa esey durante 8 aña, Ora cu bisa cu ser humano ta central, mester cuminsa enforsa ley y duna e balor na e ser humano.
A bin ta haciendo esaki entre otro pa loke ta trata e situacion na Sero Cristal, caminda cu a emiti dia 17 pa dia 20 di Februari, un decreto caminda cu a para e operacion di esnan, 4 compania cu ta opera sin permiso eynan, treciendo alivio na e habitantenan den e area aki. A bay tambe pa e direccion di inventarisa.
Rond di Aruba, tur e operaconnan ta tumando luga, no tin permiso, no tin vergunning.
Los di esey a tuma nota di tempo di parlamento caba, cu tabata tin mas di 10 mil firmante den e area di Noord y Alto Vista y vecindario, cu a expresa nan mal contento y nan preocupacion pa loke ta trata nan salud y di nan yiunan, caminda cu gobierno kier a bin cu e prome 10 molinanan di biento y a baha esaki na ocho, pero cu un potencial di 3.3 Megawatt. Eynan e habitantenan a uni y diferente a hiba casonan den corte.
Gabinete Wever-Croes a scucha e preocupacion di ehabitantenan y a bisa cu como nan ta pine entre otro e ser humano central, e maneho ta dirigi riba esey y a tuma un decision, cu no ta bay pone un parke na Urirama. Den cuadro di esey a dicidi tambe diabierna ultimo, a retracta como e minister responsabel, despues di a bay ministerraad e permiso pa opera un parke di molina di biento.
Na mes momento den e ultimo simannan aki tabata tin negociacionnan andando y lo sigui cu e negociacionnan cu e windpark Urirama NV, pa wak si por yega na una reglo pa por move e concepto aki pa otro areanan menos habita y siguramente cu si na final di dia nan intencion pa deliver molina di biento, cu e ora eigenlijk ta suppose di haci un referencia nan nan como operacion comercial, si ta na Urirama of un luga alternativo cu ta mas aceptabel. Ora cu pone leu di areanan habita, lo no bay tin e preocupacionnan ni e resistencia cu a haya na e area di Urirama. No solamente pa tambe e parti cu tabata tin hopi resistencia, ta e visiblidad. Esaki ta un area caminda cu bo ta para na Alto Vista, tur e bista ey lo a bay perdi.
Ora ta pone e ser humano central den bo manehio, bo mester pone bo hechonan tambe riba esaki y den e espirito aki ta dicidi cu no lo bay permiti un parke di molina di biento na Urirama y a tyuma e decision pa retracta e permiso pa por opera un parke di molina di biento eynan y lo sigui cu e negociacion cu e compania pa wak si por realoca e intencionnan aki pa areanan menos habita, e minister a enfatisa.
