Diadomingo anochi alrededor di 7:45 pm polis a presenta cu urgencia den Kerkstraat p’un caso di arma di candela. Na yegada, a resulta cu ta trata di un caso di hit and run.
Un auto marca Kia modelo Rio color blauw, numera A-40718 cu a reverse y dal un Mitsubishi Lancer color preto. Ora cu e chauffeur di e Lancer a baha di auto pa bay acerca esun di e Rio, el saca un arm’i candela p’e y mensa’e cu e lo tira. E chauffeur di e lancer no a argumenta, e Rio a bandona sitio mesora. Un rato despues e sospechoso a pasa un biaha mas y bolbe menas’e di los tiro.
Polis a presenta na sitio p’asina tuma tur informacion necasario di e caso aki. Daño material tabata minimo. Mesora a cuminsa buskeda pa e auto aki, mirando cu e homber ta arma. No a dura mucho cu a señal’e den area di Belgiëstraat. A sigui e Kia Rio te cu e t-kruising na Pos Abou, caminda cu polis a chang’e, sac’e fo’i auto y deten’e mesora.
Tabatin por lo menos dies pa diesun unidad di polis na sitio, mientras algun tabata atende cu e detenido, e otronan a cera caminda p’asina nan atende cu e caso aki libremente.
Mirando cu e sospechoso tabata arma, a pidi tur prensa pa para riba un distancia. Giovanny Gutierrez, conoci di husticia, ta consider’e “vuurwapen gevaarlijk.” tabatin den su poder un glock carga y cla pa tira. Ta un persona considera sumamente peligroso.
Polis forensico a presenta y a confisca e arma. Awo e proceso di investigacion lo cuminsa. Pa mas informacion lesa TREMPAN.
