Loke por a mira den e ultimo lunanan, cu tin un aumento di agresion na e departamento di emergencia. Segun Dr. Deepak Daryanani, medisch hoofd SEH y ciruhano, ta cuminsa prome cu agresion verbal, pero poco poco el a cuminsa bira fisico. E trahadonan no ta sinti nan mes sigur pa bin traha mas.
Un incidente cu a sosode diasabra ultimo, unda cu den oranan di marduga cu tabata hopi druk, un grupo di pashent cu begeleiders a lanta man basicamente pa e personal y esey ta inaceptabel.
Hospital no ta acepta esey. E trahadonan tabata tin un walkout diamars mainta pa demostra cu esaki no ta aceptabel pa nan tampoco. Claro cu gerencia ta compronde cu tin un wachttijd pa ora bin SEH. Esey ta normal cu tin un wachttijd, pero e anochi ey tabata bastante largo cu algun hende mester a warda cuater pa cinco ora. Tabata tin hopi hende malo paden.
Ora cu ta sinta pafo, no ta mira kico ta pasa paden. Pero e tey. Ta puntra pa hende tin un tiki pasenshi pa ora cu nan ta sinta eynan, cu nan no ta sinta paden ta haci nada. Ora cu nan wordo yama, nan ta wordo yuda. Tin hende cu ta wordo yama mas lihe cu otro pasobra tin hende cu tin cosnan mas grave cu otro.
Tambe tin cu bisa cu tin hopi hende cu ta bin SEH cu no ta suppose di ta eynan na e momento ey. Nan ta un tweedelijnzorg instantie. Esey ta nifica cu nan tin cuido specialisa y hopi biaha tin demasiado hende cu ta bin cu eerstelijn zorg.
Kico ta un eerstelijn zorg?
Eerstelijn zorg ta unda cu tin cu bay bo dokter di cas. Ta compronde cu no tur ora e dokter di cas ta disponibel, cu ta te 10’or pa 10’or y mey di anochi HAP ta habri y durante dia e dokter di cas ta disponibel. Anochi laat, tin biaha no tin.
Tin cu compronde cu tin cu warda tiki mas largo of tin cu warda su mañan mainta e dokter di cas, pasobra no tin motibo urgente pa trato. Esey ta e hecho. Esey ta na Aruba y esey tambe ta internacionalmente.
Ta pidi pa pueblo pa prome cu dicidi di bay SEH, percura pa bo tin algo pa bon bin. Pasobra bo ta bay warda y ora cu yega eynan, tin pasenshi, pasobra tin hopi otro hende cu mester di ayudo prome cubo, si nan tin algo mas grave.
Un di e cosnan cu ta bay haci awor aki, ta cu tin cu bay proteha e trahadonan. Ta bay proteha e trahadonan door di bay pone glas pa proteha e secretarianan. Ta cosnan cu no kier a haci na Aruba. Pero aparentemente tin cu bay haci’e. Ta lastima cu nos mes ta ruina pa nos mes.
Tambe ta bay purba delibera cu e stakeholdernan pa wak con por cambia e toestroom di e pashentnan pa SEH. Wak si por, un biaha mas, papia cu e Asociacion di Dokternan di cas, pa tuma nan responsabilidad y bay wak mas pashent enbes di laga nan sin cuido.
Tur e cosnan ey mester bay haci atrobe, segun dr. Daryanani. Temporalmente ta bay puntra of ta haya for di minister, cu nan ta bay aumenta nan personal.
Triage
Tur pashent ora cu nan drenta ta wordo inscribi pa un secretaria. Despues e ta papia cu un enfermera specialisa. Normalmente tin cu haci esaki dentro di dies minuut. Por realisa cu no por make it tur ora na 10 minuut, door cu tin asina hopi hende ta bin, tin cu tambe tuma tempo pa haci e triage. E sistema di triage ta sacabo sea na cora, oranje, geel, berde, of blauw. For di Hoog Urgentie tot Laag urgentie. E ora ey ta pone den cierto categoria y depende di e drukte, ta wordo yama segun e codigo di urgencia.
Pa hopi tempo caba tin critica riba e sistema aki. Ta bringando actualmente como hospital y como personal di SEH pa mas hende pa hopi tempo caba. A bay over di un hospital bieu, pa uno nobo. A expande nan capacidad di 2.5. No a bay dilanti den personal, pasobra nan no a duna personal. No tabata tin placa pa esey. Nan ta den un periodo di transicion y pa motibo di e protesta aki, cual ta yudando pa por haya mas hende.
