“Mi ta haya jammer cu Aruba, n’e momentonan aki ta practicamente pega,” ta loke cu Gerlien Croes, parlamentario di AVP a menciona durante un entrevista den Enfoke diabierna.
E parlamentario ta sigui indica cu ora cu mira afo, ora cu mira topico cu n’e momento aki ta al caso manera por ehempel un Hulanda, con n’e momento aki e discusion di stikstof, e boernan con nan ta bezig ta welga y demostra nan malcontento y hasta cende candela riba caminda.
Nan ta mustra cu e situacion aki no por continua.
Na Aruba a acepta hopi. A tuma hopi y esaki ta un abuso pa loke ta bibando aden. Ta momento cu tin di bay lanta. Por a mira persona individual a cuminsa demostra dilanti Parlamento di Aruba. Asina pocopoco e grupo aki mester bay crece.
Si tin cu bay keda warda pa Hulanda tuma un decision, atrobe ta purba cumpra tempo cu Hulanda. Hulanda no ta bay cay den e wega mas, segun Croes. Prome Minister ta papia di bin cu un memorandum financiero nobo, sin a cumpli cu esun di 2018. “Hulanda sa cu a palabra y cu no a cumpli. Esey ta un track record cu bo ta bay laga atras cu Hulanda tambe,” ta loke el a menciona. Hulanda sa cu ta papia, gaña, firma y ta bisa cu ta bay haci cos y no ta haci nan. Despues ta bisa cu no t’asina y ta gaña pueblo. Asina ey, por sigui menciona un lista di cos.
Pa mas cobertura lesa TREMPAN.
