Den e prome siman di september, tin prijs fantastico y menu impresionante durante e Siman di Restaurant di Aruba Wine and Dine. Tanto e bishitantenan como e localnan ta spera e festival di un siman di duracion den diesun di e restaurantnan mas popular di e isla.
Pa solamente 49 florin (den Cafe the Plaza, Surfside Beach Bar, Willem’s Dutch Pancakes y Nos Clubhuis) of 59 florin (den e otro restaurantnan) ta presenta menu sabroso di tres plato pa scoge. Cada un di e chefnan di e diferente restaurantnan a bin cu combinacion maraviyoso, ta showcase nan restaurant cu orguyo.
E di 12 edicion di Restaurant Week Aruba lo tuma luga dia 31 di augustus pa dia 11 di september. E clientenan por disfruta di un cena na MooMba Beach, Nos Clubhuis, Salt & Pepper Restaurant, Hadicurari, Willem’s Dutch Pancakes, Fishes and More, Tango Argentine Grill, Surfside Beach Bar, Cafe the Plaza, Mambo Jambo y Que Pasa Restaurant & Winebar.
E menu di e siman di restaurant tambe ta conta cu un seleccion di biña, cocktail y cerbes, patrocina pa Divino, Romar Trading Aruba y Pepia-Est. Biña manera Josh Cellars Chardonnay, Matua Sauvignon Blanc, Paul Mas le Reserve Merlot, Trivento Reserve Malbec y Noble Vines 337 Cabernet Sauvignon lo tin un prijs di 10 florin pa kelki y 45 florin pa boter, tur cocktail tin un prijs di 12 florin y Heineken y Amstel Bright lo tin un prijs di 7,50 florin pa boter.
Gran parti di e recaudacion di Restaurant Week lo ta destina pa Maris Stella, hogar di anciano di Aruba. E recaudacion lo ta destina p’e television di e cambernan p’e ocupantenan por disfruta di e programanan di television den nan propio privacidad. Esey ta un rason mas pa bay come afo pa un gran causa durante e siman super special aki.
Ta haci pidi pa haci bo reservacion di antemano, ya cu asina lo bo haya e miho luga den cas. P’e menu y reservacion, bishita restaurantweekaruba.com. E Restaurant Week 2022 ta priminti di ta un experiencia culinario inolvidabel. No lubida di forma parti di dje.
