Despues di a saca e presidente nobo di Parlamento den persona di Edgard Vrolijk cu 11 voto, e miembronan di Staten a vota den un di dos buelta pa e presidente di Parlamento. Di dos nomber scogi cu mas voto ta Hendrik Tevreden cu 9 voto. E prome dos nombernan lo bay den un carta pa gobernador mustrando asina e escogencia di e miembronan di staten pa un presidente di Parlamento.
Despues di esey a nota e nombernan pa e vice-presidencia di parlamento. E votacion a bay cabes cabes entre Ursell Arends y Gerlien Croes.
Na final di e conteo, a scoge Ursell Arends cu 11 voto y Gerlien Croes cu 9 voto.
Pa e di dos nomber pa vice presidencia, a scoge Miguel Mansur 9, Benny Sevinger 1 y Geoffrey Wever 11. Cual a haci e conteo aki uno invalido cu mester a haci un reconteo.
Den e proceso mester a entrega 20 papel, pero tabatin 21 papel, cual a haci e votacion aki invalido. Pa e motibo aki presidente di Parlamento, Mervin Wyatt-Ras, a opta pa haci e proceso di votamento un biaha mas, mirando e hecho aki. Esaki ta algo cu a yega di mira den pasado na momento di scoge un presidente of vice-presidente. Esaki ta algo totalmente peculiar. Griffier a reparti papel un biaha mas y pa despues haci e votacion di nobo.
Despues di a vota di nobo e resultado ta Geoffrey Wever cu 11 voto y Miguel Mansur cu 9 voto.
E nombernan di Ursell Arends y Geoffrey Wever lo bay den un carta pa gobernador como prome escogencia pa vice-presidencia di Parlamento.