Despues di un temporada sin actividad, Garage Centraal lo bay ta celebrando un Car Show diasabra, dia 13 di mei proximo, den nan showroom cuminsando fo’i 9:00 am te cu 2:00 pm.
Nan lo bay tin un stock amplio di auto. Por ehempel nan tin un oferta riba e Volkswagen Virtus cu un descuento di 10% (5000 florin di descuento) riba e prijs di e auto. Tin un variacion super amplio di SUV tanto di Hyundai como di Volkswagen, como di Isuzu. Evidentemente lo bay tin banco presente den e showroom, segun Rodney Kock, marketing manager di Garage Centraal.
Pronto Garage Centraal lo bay tin un anuncio riba nan social media, cu nan lo bay tin actividad durante e siman prome cu e car show. E invitacion ta keda pa un y tur, cu si bo ta buscando un auto nobo, Garage Centraal tin e variacion entre auto nobo y segunda mano, por pasa libremente cu e banconan presente y probechando di e evento aki.
Loke ta pidi ta un ID valido, rijbewijs, dos ultimo payslip of si ta cobra pa kinsena, bin cu e cuater ultimo payslip, carta di dunado di trabao y dependiendo si tin compania, tin un otro set di rekisito. Pero esey t’e basico di loke ta pidi. E ta recomendabel cu si ta interesa pa busca un financiamento, for di awo caba cuminsa prepara e papelnan di manera cu den e siman ey, tanto diasabra of den e siman prome, por bin cu e papelnan cerca e grupo di benta y cuminsa e proceso di busca e siguiente auto na Garage Centraal.
BENTAHA DI UN SUV
Un SUV pa cuminsa, e haltura ideal ta un bentaha, den e camindanan cu tin. Tin un bentaha pa loke t’e capacidad di carga, cual ta bentahoso. Esey ta un motibo cu esaki a bira un seleccion hopi frecuente cerca e famianan.
Tin for di e popular Hyundai Tucson y tambe tin e seleccion mas chikito manera e Hyundai Creta. Tin esun mas grandi manera Hyundai Santa Fe of e SUV uza pa Cuerpo Policial, cual ta Isuzu MUX. Tin hopi opcion pa loke ta presupuesto y tamaño cu ta un posibilidad pa ofrece un y tur.
INVITACION
Un y tur ta invita pa pasa diasabra, dia 13 di mei entre 9:00 am pa 2:00 pm y bin disfruta di un bon ambiente na Garage Centraal. Check e auto cu bo ta desea, combersa cu un di e representantenan di benta y mira e posibilidad pa yega na un siguiente auto. Probecha di e stock y di e special cu tin riba Volkswagen Virtus. Wak e opcionnan cu tin disponibel y laga Garage Centraal yuda abo yega na bo siguiente auto.