Ayera, den un ambiente hopi intimo, Sunset Car Rental a ricibi e deportistanan di e liga U9 di Sport Vereniging La Fama, pa bautismo di nan uniform nobo. Cu honor Rafael Scatliffe, director di Sunset Car Rental, a ricibi y batisa e bunita uniform patrocina door di e compania. Esaki ta e di 2 aña consecutivo cu Sunset Car Rental ta honra e organisacion S.V. La Fama door di sostene un di nan liganan.
E organisacion deportivo ta considera e aporte como un gesto grandi y hasta un estimulo inmenso pa sigui traha na bienestar di e deporte rey, futbol.
“Den nomber di cada un hungado, coach,c mayor miembro di directiva, nos ta gradici Sunset Car Rental y Sr. Scatliffe pa su sosten y confiansa. Danki di curason pa kere den nos muchanan y organisacion. Danki tambe pa e dushi treat pa nos muchanan, sigur nos muchanan lo sa di bisti e bunita uniformnan aki cu hopi orguyo”, asina e dirigente di S.V. La Fama a indica.
