Den un entrevista cu 24ora.com, presidente di Fundacion Nos ta Aruba, Jan de Ruijter, ta acusa gobierno di a comete e fraude mas grandi den historia di Aruba y di e islanan di Antias.
Sinembargo e bon noticia ta cu nan a haya sa di esaki y a bay asina leu di a bay Ministerio Publico y corte pa por entrega un keho contra di esaki. Ta trata aki di e suma astronomico di shen miyon florin y e bon noticia ta, cu nan a descubri esaki. Nan lo denuncia esaki y lo bay gana e caso tambe, Jan de Ruijter a bisa hopi convincente.
E fundacion ta lanta un caso contra Prome Minister Evelyn Wever-Croes, Minister di Finansa, Xiomara Maduro, Minister di Husticia Andin Bikker y ex-prome minister Nel Oduber, kende na su turno a haya sa un manera con pa presta placa den exterior sin pidi permiso na reino.
A camufla nan como fiansa local door di a mara nan na e banconan local. Esey ta inhusto, no tabatin mag, pero a hacie toch, segun de Ruijter.
A continua cu esaki, door cu el a mustra asina facil presta placa afo, cu nan a keda hacie continuamente, te cu e dia di awe.
Y desde 2004 te cu awo, a costa e pagado di belasting miles di miyones di florin. A pensa riba un truco pa esaki. Naturalmente tabatin mester di hende pa haci esaki. E termino cu de Ruijter ta uza ta pa lanta un organisacion criminal. E hecho aki e mes a haya sa di Ministerio Publico. El a haci denuncia contra Paul Croes debi na e benta ilegal di permiso pa trabao, e famoso caso Ibis. Den e documentonan di Ministerio Publico, de Ruijter por a lesa e frase ‘organisacion criminal’.
Pa mas detaye registra riba www.trempan.com.
