COVID- 19, mundialmente conoci bao di e nomber di CoronaVirus tin nos mundo ariba bou, caminda cu multitud di actividadnan ta wordo cancela mundialmente of ta wordo posponi.
Pa medio di nos comunicado di prensa, Fundacion Arubano di esnan Visualmente Incapacita (FAVI) ta desea di comunica na nos pueblo di Aruba cu nos Caminata “Walk with a Vision” 2020 ta wordo posponi te cu un proximo aviso. Nos tin mas di 400 ticket bendi y ta pidi tur persona cu tin un ticket di FAVI su caminata pa warda esaki bon. FAVI ta keda den comunicacion estrecho cu IBISA y ta keda vigila e situacion di corona virus. Na momento cu ta responsabel pa continua cu nos evento nos lo anuncia e fecha nobo.
Alabes FAVI ta informa cu nos Fundacion ta sera te cu un proximo aviso.
Asina cu tur cos normalisa FAVI lo tey bek pa sigui sirbi su clientenan, boluntarionan y comunidad di Aruba.
E situacion ta uno sumamente serio, cuida boso mes, mantene hygiene personal, laba man frecuentemente, cuida nos muchanan, cuida nos hende grandinan y esunan mas vulnerable den nos comunidad. Sigui e consehonan di e professionalnan, y laga nos mantene nos mes na e reglanan stipula dor di Gobierno di Aruba.
