Comerciante Uni Aruba (CUA) a cera su agenda di actividadnan pa e aña aki cu un evento cu a reuni hopi comerciante local. Segun presidente Frans Ponson, e organisacion a registra mas cu 50 compania nobo durante e aña aki, un señal di crecemento pa e gremio cu ta representa comerciante chikito na Aruba.
Ponson a expresa su satisfaccion cu e desaroyo di CUA y e cantidad di comerciante cu a participa den e actividad di ceramento di aña. E presidente a indica cu e organisacion ta contento cu e crecemento y cu e interes creciente di comerciante pa uni nan mes na e gremio.
E presidente a haci un invitacion na comerciante grandi y chikito pa bira miembro di CUA y agrega cu tur comerciante cu kier un bos pa representa nan interes por acerca di e organisacion.
Proceso di registro
Pa bira miembro di Comerciante Uni Aruba, e proceso ta simpel. Segun Ponson, comerciante por descarga e aplicacion Comerciante Uni Aruba for di Play Store of App Store. E app ta permiti usuario mira producto y servicio cu diferente comerciante ta ofrece.
Despues di registra den e aplicacion, usuario por haya acceso na mas funcion, entre otro un chat y e posibilidad pa publica informacion tocante na su propio compania. Ponson a compara e plataforma cu un tipo di Facebook dedica na comerciante local.
Pa mas lesa TREMPAN.COM.
