Un caso serio a tuma luga awe mainta trempan den area di Madiki caminda a bin topa cu un persona tira abou y cu no ta duna señal di bida. A pidi presencia di ambulance mesora na sitio pa atende cu e victima.
Vocero di polis Lito Lacle a duna informacion cu den careda di 04:34 am, un melding a drenta via Central di Polis cu na Madiki net banda di Las Caleñas a encontra un hende homber benta cu sla na cabes. Na e yegada di patruya a constata cu e persona tin sla na cabes y no ta duna señal di bida.
Na sitio berdad a tuma nota di un persona benta abou y a pidi presencia di demas departamento concerni pa presenta na e sitio pasobra tin tur indicacion cu ta trata di un caso serio di crimen a tuma luga. Departamento Tecnico di Cuerpo Policial, fiscal, Recherche Oranjestad (DAR1) como tambe Slachtofferhulp a bay na e sitio.
A informa cu den careda di 05.35 am docter Texier a constata morto di Franklin Adamus, biba na Lopezstraat na Brazil. Tambe mesora a busca e familiarnan y poni na altura, pa confirma su identidad.
Cuerpo Policial y tambe 24ora ta manda palabra di condolencia na e famia di e fayecido.
