Despues di a tuma nota ku kaya prinsipal di nos sentro di suidat e aña aki lo no haña lusnan di Pasku manera nos ta kustumbrá, Frakshon di MAN a aserká Presidente di Parlamento sr. W. Millerson si por medio di presupuesto di Parlamento por wak e posibilidat pa tòg dekorá kaya prinsipal di nos sentro di suidat.
Lamentablemente no ta tin espasio finansiero pa Parlamento por a aportá ku esaki manera nos a deseá. Despues di a tuma nota di esaki riba inisiativa di sra. Giselle Mc William nos a sigui hasi nos máksimo esfuerso pa tòg por realisá ku awe nos por mira nos Breedestraat Punda dekorá ku lusnan di Pasku.
Den kuadro di esaki nos ke yama un danki na sr. Darick Jonis i sra. Sharo Bikker di Aqualectra ku a komprendé e meta di nos petishon i huntu ku e personal di Aqualectra a hasi nan máksimo esfuerso pa tòg logra pa iluminá nos Breedestraat Punda maske esaki no tabata planiá pa e dushi temporada aki pa e pueblo i nos bishitantenan.
