Faccion di AVP a pidi un audiencia extraordinario cu Gobernador di Aruba pa haci un denuncia riba e carta manda pa presidente di Parlamento. Fraccion di AVP a manda un carta pa presidente di Parlamento unda ta pidi p’e aclaria tur acontecimento y a dun’e 24 ora pa haci esey. E presidente di Parlamento no a reacciona riba e carta y pa es motibo fraccion di AVP a presenta na Gobernador.
Lider di fraccion, Marlon Sneek a bisa cu den Parlamento a tuma luga manera votacion ilegal, pero despues a nota cu e presidente a saca carta sin autorisacion y ta papia den nomber di Parlamento su totalidad. Den un rueda di prensa a tende con e presidente ta bisa cu lo trek in mocionnan entrega di parlamentarionan. Fraccion di AVP a informa presidente di Parlamento p’e coregi e erornan y cosnan no por keda asina eyfo, pasobra comunidad merece di haya e berdad.
Sneek ta di pensamento cu Parlamento mester haya su debido respet. Presidente di Parlamento mester coregi e erornan cu e ta haci, pasobra esey no por keda colga riba Parlamento. Articulo 27 ta bisa cu si no tin quorum, no por sigui. P’esey e mocionnan ey ta ilegal, e carta cu ta bisa di manda un minister cas ta ilegal.
Parlamentario Richard Arends a splica di a constata cu tur cos a sosode na momento cu diesun miembro di Parlamento no tabata den sala y tur cos cu a pasa desde esey, no a conta cu e rekesito di e quorum cu e constitucion di Parlamento ta prescribi y e reglamento di ordo. El a expresa cu tur loke a pasa despues di e momento ey ta invalido. P’e fraccion no ta suficiente cu simplemente a declara y trek in, pasobra a entrega e mocionnan conforme reglanan. Durante e reunion tabatin quorum, pasobra miembronan a entrega na e reunionnan debidamente.
E parti di votacion no a sosode segun constitucion y reglamento di ordo di Parlamento. Nan no ta critica otro coleganan, pasobra nan mes ta forma parti di e instituto aki, pero tin cu salvaguardia e integridad di Parlamento. Durante e audiencia cu Gobernador, fraccion di AVP a trece nan preocupacion y ta spera cu accionnan formal tuma luga p’e decision aki. Tambe pa ehecuta e nietig verklaring, pasobra mester kit’e tambe di henter e proceso di e reunion.
