Diasabra anochi alrededor di 8:30 pm polis a para un Hyundai H-1 numera A-35497 den Mendelsohnstraat na Playa. E chauffeur tabata core malo riba caminda. Ora a dun’e señal pa para pa control’e; a resulta cu e chauffeur no tin un rijbewijs valido y pa colmo ta burachi tambe.
Ta suficiente motibo pa polis deten’e y transport’e pa ward’i polis caminda lo present’e dilanti un subfiscal. A pone e auto cant’i caminda mientras e chauffeur lo keinta algun ora na warda di polis. No ta prome biaha cu polis ta detene e chauffeur aki, e ta un figura conoci pa e agentenan, e tin su record den stuur auto bou influencia di alcohol y sin rijbewijs.
