Cu un ritmo “upbeat”, musica suave, cu ta pone e persona pensa riba su berdadero amor. “Feels” ta bay riba amor berdadero y con e “feeling” ta sinti pa ta namora. Esha su mas ultimo single “Feels”, ta skirbi na inicio di 2020 y lansa riba tur plataforma musical manera Spotify y Apple Music, na mei, 2020.
Despues di a lansa ‘Feels’ riba tur e plataformanan musical, e video musical oficial ta cla y a lansa esaki ayera, diaranson, 19 di augustus.
Desde cu Esha tabata un mucha chikito, canta tabata su pasion pero a cuminsa practica esaki den forma serio na 2015. Su prome EP Album “Beautiful” cu tabata mas cu un diario personal, a subi mercado na 2016 y su di dos album “Dangerous” na 2017. “Dangerous” tabata mas comercial y a lans’e na Aruba. “Dangerous” a trece experencia grandi manera apertura mescos cu artistanan manera Maluma, Alicia Keys y Nicky Jam a haya.
Despues di asina hopi experencia, Esha mester a cambia su enfoke riba scol y su mes. Durante e ultimo tres añanan el a traha riba su album mas nobo y ta super emociona pa comparti esaki cu su admiradonan. “Finalmente mi ta sinti cu mi sa kende mi ta como artista y mi ta cla pa sigui lansa mi musica cu ta pas perfectamente den e molde aki,” Esha a bisa.
Apesar di e constante cambio debi na e pandemia di coronavirus, Esha ta spera di por lansa su album mas nobo pronto.
Pa e video musical oficial, Esha a busca un grupo di persona pa yuda den e produccion y realisa e video musical. Sin bay den mucho detaye, Esha a splica e video musical di “Feels ta ilustra amor den su berdadero forma.
“Feels” awo ta disponibel riba tur plataforma musical, incluyendo Spotify. Por follow Esha riba Facebook y Instagram @eshamusic pa bo ta e prome pa mira e video. Tambe por hay’e riba su YouTube Channel of na eshaofficial.com
