Diasabra ta tuma luga e entiero di deportista Eddy Ras. DVG tin su reglanan pa ora di entiero, unda cur uza sea mondkapje of shield. Tambe mester mantene na e distancia social y no por tin aglomeracion.
Esnan cu yega Centro di Bario Playa Pabao diasabra, na entrada tin cu skirbi nan nomber, fam y number di telefon. Tur esaki ta pa DVG tin registra si algo pasa. Cadochi Kock a splica kico tur lo tin e dia aki, manera guia riba parkeerplaats.
Tanto na entrada como salida lo tin hand sanitizer, no mag duna man, ni brasa ni sunchi. Ta pidi esnan cu no ta sinti nan curpa mucho bon, no presenta na e entiero pa despedi di Ras. Pa 8:00AM lo cuminsa cu e despedida di Eddy Ras. E famia ta pidi pa tur hende mantene na e protocol di DVG cu ta vigente.
Señor Burk a splica cu aña pasa nan a duna Eddy Ras un homenahe cultural di Centro di Bario Playa Pabao. Ta duna esaki na esnan cu a sobresali. E motibo di a scoge Centro di Bario Playa Pabao ta pasobra e cantidad di 25 hende manera DVG a stipula no lo yega p’e entiero di Ras.
