Frakshon di MAN a keda sorprendí di mira un oumento di salario i a pensa ku ta trata di un eror ya ku e miembronan di Frakshon di MAN no tabata na altura di ningun oumento di salario. Es mas den e situashon aktual frakshon di MAN no por ta di akuerdo tampoko pa bini un oumento di salario di Parlamentarionan i Ministernan sigur mirando ku tin hopi hende ta pasando den tempunan difísil ekonómikamente i no por gosa di un entrada ni muchu menos di un oumento di salario.
Asta promè ku e situashon di Covid-19 a presentá, Frakshon di MAN, pa medio di un moshon a bosiferá nan disposishon pa entrega 10% di nan salario komo muestra di solidarismo.
Frakshon di MAN a tuma nota ku e informashon di oumento di salario a bai den publisidat sin ku miembronan di Parlamento a haña splikashon al respekto. Frakshon di MAN a pidi i tabatat pendiente un splikashon formal i por eskrito di Gobièrnu pa sa kiko a pasa.
Di tur forma, Frakshon di MAN ta rechasá kalke oumento i ta pidi pa Gobièrnu koregí esaki imediatamente.
