For di aña pasa, directiva di Xavier University a sa di presenta e plan di expansion na Gobierno y finalmente dialuna, ponemento di e prome piedra di e compleho nobo aki a tuma luga.
Tanto minister Dangui Oduber, den su calidad como minister di salubridad, como tambe minister di enseñansa, minister Rudy Lampe tabata tey presente na e hecho aki. Gobierno, hunto cu e hunta di acreditacion di Merca, ta wordo reconoci pa e departamento di enseñansa di Merca. Xavier University ta un scol acredita na Aruba. Studiantenan ta wordo reconoci na Merca. E trayecto aki tabata di suma importancia pa e decision wordo tuma pa e decision wordo tuma. 
Gobierno di Aruba a brinda nan e cooperacion necesario y e scol wordo acredita na Merca, a tuma e decision pa inverti den e bunita proyecto aki. Un proyecto cu ta consisti di tres fase.
Diamars tabata tin e groundbreaking di e prome fase cu ta un suma di 22 miyon dollar.
E siguiente fase ta un otro 20 miyon dollar y e di tres face tambe ta un otro 20 miyon dollar.
Ta un inversion total di 60 miyon dollar, ekivalente na 110 miyon florin di inversion. E inversion aki ta muestra di e confiansa duna na Aruba y tambe e confiansa cu e scol tin den nos economia.Xavier University a demostra e compromiso cu Aruba y cu un inversion cuantioso a demostra di ta kere firmemente den economia di Aruba. Na momento cu e scol di medicina aki keda cla, e por carga mas di 500 studiante. Nan lo traha un auditorio cu tin capacidad di 1000 persona. Nan lo traha complehonan deportivo, y importante den esaki cu nan a bisa gobierno caba cu nan lo ta dispuesto pa pone e auditorio disponibel pa uzo di comunidad di Aruba ora cu tin eventonan.Fuera di esaki, plannan di e scol ta pa sigui expande.
Un rebaho pa nos yiunan di tera
Xavier University ta brinda e posibilidad pa nos propio yiunan di tera studia medicina na Aruba cu un reduccion di tarifa di 75% for di e tuition cu nan ta cobra na e studiantenan di Merca y di Canada, segun minister di salubridad Dangui Oduber. Esaki ta e dos regionnan cu tin mas studiante cu ta atende e scol na e momentonan aki. Nan a bisa cu nan ta duna un reduccion di tarifa. Tur studiante kier studia medicina, por haci esaki localmente cu un reduccion di tarifa.
Esaki sigur ta un bon noticia pa nos yiunan di tera cu por opta pa keda Aruba, studia riba nos propio tera y cu un rebaho den tuition. Palabra di felicitacion ta bay na Xavier University cu e prome fase di expansion.
