Na Madiki tabata tin agresion cu biga y menasa cu bloki diaranzon merdia. Problema di menor a pone adultonan tambe cay aden. Expresionnan sin respet a pone cu e poblema entre algun hoben ta continua cu aprobacion di adultonan tambe.
Relaciona cu esaki, algun di esnan envolvi den e problema aki, a duna nan banda di medaya di loke a pasa, segun nan version. Parce cu di parti di esnan supuestamente agredi, a cuminsa cu palabranan di insulto. Ayera durante dia, un di e señoranan envolvi, hunto cu su ruman muhe y sobrina den auto, a busk’e mainta y a bay cumpra cos. Ora nan a trec’e bek, a coy su auto pa bay Chines pa bay cumpra cuminda pa bay cushina pa e yiunan ora nan yega for di scol. Nan tabata bayendo pa Anglo Kleuterschool, net e menor di 15 aña, kende segun e relato riba nos website, a wordo agredi cu biga den boca, esta e tal N. cu su guy, a tira palabra pa e sobrina y su mama, y esey no ta nada. E problema aki ta andando pa hopi tempo caba, cu na scol e hobencita di 15 aña aki, ta bully e mucha muhe aki. E tanta a papia cu su sobrina y a bis’e pa no worry cu hende kens. Palabra ta biento. Pero un hende ta cansa. Ta yega na un limite y ta cansa. Esey ta loke a pasa ayera merdia.
Segun e señora, e sobrina a baha cu intension pa duna e mucha muhe aki su merecido. Pero a papia cun’e y bis’e pa evita problema cu e hendenan aki. Door cu e sobrina a altera asina hopi, el a baha bay for di e auto. E mama a bay para dilanti di cas di e damita di 15. E señora, kende ta tanta di e sobrina altera, y kende a duna su banda di medaya, tambe a bay.
Mama di e sobrina, tambe a duna su parti. E ta menciona cu pa hopi luna caba e damita tambe ta bully su yiu.
E sobrina ta keto, segun e tanta. E tanta ta menciona cu e mucha muhe cu ta bully, ta chikito di edad, pero e tin curpa grandi. E tanta a alerta e sobrina cu si e mishi cu e mucha muhe aki, e por bay cera, mirando cu e tin 20 aña.
E tanta a menciona cu e sa papia cu wela di e mucha muhe di 15, y ta bis’e pa stop cu problema, no busca e sobrina problema na scol, pasobra e ora e adultonan ta cay aden cu problema di mucha.
Den pasado, e mucha muhe aki y su mama tabata den problema caba. Door di esey e mama no ta keda contento. E kier hinca su yiunan tambe den problema, hunto cun’e.
Segun e tanta, ya a bay recherche den varios ocasion denuncia e mama y e yiu cu ta bully e sobrina. E y e mama di e mucha muhe, ta nenga di a dal cu e mucha muhe di 15 aña.
E tanta ta sigui conta cu e guy di e mucha muhe di 15 aña, a cuminsa kita flanel, manera cos cu ta cu homber e ta bay bringa. El a coy un biga grandi, cual ta aparece riba e potret di e articulo di 24ora.com. E tanta a comenta cu na e cas tin yen di potoshi y no ta asina cu nan ta esun cu a bin cu e biga.
E tanta ta cera su curpa y su yiunan paden, pa no deal cu e hendenan aki.
E tanta ta continua bisa cu nan tabata cla pa caba cu e problema. Ta e mucha homber a bin haci asina y purba di pone man riba e sobrina. E ora ey e tanta a ranca e biga for di e guy y zwaai’e. E mama, mirando esaki, naturalmente el a flip. E mama a biga pa bay riba e guy, pero e tanta a ranca e biga y zwaai’e tambe.
E mucha homber, kende ta mas na cas di e mucha muhe di 15 aña cu na su cas mes, a drenta paden di cas y a coy un cuchiu. E tanta a menciona cu el a advirti’e pa e tene cuidao cu e mishi cu e sobrina. E suegra a sali, core coy e mucha homber y want’e, bisando cu e por wordo cera.
Polis a actua mucho lihe, sin scucha e otro banda di medaya, pasobra nan a scucha e otro banda, pero no a puntra ningun momento kico en realidad a pasa. Tampoco con e cos a pasa na prome instante. Esey ta loke e tanta no ta haya ta bon.
E mama a bisa cu si a dal e mucha cu biga, e no lo a lanta mes. Si tin un tiki common sense, por realisa. E hendenan aki pa gaña y traha storia nan ta master, e tanta ta comenta. E hendenan aki ta conoci. Recherche a menciona cu tabata tin cinco declaracion. Ora e tanta a puntra cual tabata e cinco declaracionnan, no por a bisa nada. E tanta a para ariba cu e tabata e unico testigo y a bisa tambe, cu e no ta gaña ni pa ruman, ni pa sobrina. E ta papia manera e cos ta. El a bisa su suegro tambe, pakico tin cu gaña tur e cosnan aki. Djis papia manera e cos ta. Si e ruman tabata malo, e lo bisa cu ta nan ta fout. Pero no mester gaña si, e tanta a menciona. E asunto aki ta na man di recherche, pero no ta di awo. E cos a cuminsa door di mama di e mucha muhe di 15 y e mama di e sobrina. Ta pesey e ta manda e yiunan pa acosa e yiunan. E hendenan aki ta hende problematico, segun e tanta.
