Diadomingo den Centro di Bario Brasil a tuma luga e prome edicion di aña di Fiesta Tipico den bario. Lo tene e actividad aki den otro ocho bario, pa asina completa e meta di nuebe.
Fabian Ras, organisado, a splica cu e fundacion a cuminsa cu nan prome actividad musical. Tur biaha ta cuminsa cu e actividad na Centro di Bario Brasil cu e prome festival. Despues ta sigui p’e otro barionan. E aña aki ta pasa nuebe bario, di cual pocopoco nan lo yega den tur bario di Aruba.
Aña pasa nan a organisa e Fiesta Tipico den Bario y esaki a bay bon. E gruponan Tipico a progresa, unda cu nan presentacion tabata bon. E gruponan ta train hopi, casi tur siman. Aña pasa e fundacion a ricibi basta ayudo for di diferente departamento di gobierno, individual y priva. Ras ta gradici nan tur p’e yudansa y sosten ricibi.
P’e fundacion e dia tabata uno basta pisa, mirando cu nan mester a prepara e club, pendiente e ekipo di zonido, prepara bar y cushina, drecha pista di baile, pone stoel y hopi mas. E directiva di fundacion ta di pensamento cu cerca e hubentud nan mester bay. Esaki ta debi cu hubentud ta esunnan cu mester mantene e musica tipico na bida. E ta haya cu si no bay eynan, ta yega un momento cu no ta bay tin nada mas.
Pa mas lesa TREMPAN.COM.
