Diasabra atardi doño di compania di carga a capta trahadornan ta horta carga for di su compania. Ta trata di dos homber nacionalidad Venezolano. E doño tabata vigilando e dos hombernan aki di basta dia caba, pa motibo cu e ta haya falta di algun producto cu no ta cuadra cu recibonan cu ta sali pa cobra compania.
Awe a doño a canta bingo despues cu a gara e trahadornan aki ta pone mas caha cu mester sali regular. Asta den nan tas tabatin producto scondi. A bati alarma mesora na polis pa bin atende cu e ladronan aki, a detene ambos y hibanan warda pa asina bay duna cuenta di nan acto. E compania di carga ta situa na San Nicolas
