Diasabra mainta algo pasa di 10:00 polis a bay atende cu un situacion di violencia. Un homber lo a dal su ex-pareha riba caminda publico den pleno luz di dia. E incidente a sosode na altura di Catiri Supermarket.
Polis a cuminsa un buskeda den area. Autoridad tabatin tur dato di e vehiculo y tabata registra na un adres na Shiribana. Polis un rato despues a topa e homber den area di rotonde di Paradera. Ta sospecha e homber di intento di asesinato. El a purba pasa auto riba su ex-pareha, a choca e señora tambe. A haci denuncia y a hiba e homber pa warda di polis.
