Durante e sigiente dianan tin varios actividad relaciona cu e celebracion di “Halloween”. Un di nan cu ta resalta ta un evento nobo jama “The Haunted Lighthouse Experience”.
Ta trata aki di un oportunidad unico pa subi Aruba su faro durante oranan di anochi pero den un ambiente di Halloween. Esaki lo ta ariba diabierna 26 y diasabra 27 di October 2018 for di 6.30 di atardi te 10.30 pm.
E concepto di e evento ta cu parti paden di e faro lo tin diferente decoracion den e ambiente di Halloween y lo tin algun efectonan spantoso tambe. E evento ta uno apto pa tur edad, pues ta algo ideal pa hasi cu ful famia, amigo y of coleganan.
E atraccion principal naturalmente ta keda e observacion di nos costanan y nos ciudad for di e haltura/top di nos monumental faro.
Mirando cu e capacidad pa subi e faro ta limita, e ta consehabel pa hasi reservacion via telefon 6990995 of www.arubawalkingtours.com. Lo tin un prijs pa mucha y adulto. E no ta un obligacion pa bini disfrasa, pero lo tin saconan di mangel pa e prome 50 mucha riba diabierna y 50 riba diasabra.
Lo tin tour cada 30 minuut y esnan cu reservacion lo tin prioridad pa subi.
