Minister presidente y Secretario di Estado, Alexandra van Huffelen, a toca e tema di Rijkswet Aruba financieel toezicht (RAft) y no den cuadro di e Bestuurlijke overleg. RAft ta un ley cu ta toca solamente Aruba, pero no Corsou y Sint Maarten.
mr. Evelyn Wever-Croes, minister presidente, a splica cu su persona tabatin un reunion bilateral cu Secretario di Estado y a trata e topico di RAft. Van Huffelen a indica pa Hulanda ta hopi importante pa Aruba bin cu e RAft. Segun e mandatario, el a splica van Huffelen riba e puntonan cu parlamento a duna pakico no por sostene COHO ta conta p’e RAft tambe, pero van Huffelen a mustra riba e importancia di esaki.
A splica van Huffelen cu tin un ley di supervision LAft (Landsverordening Aruba tijdelijk financieel toezicht). LAft tin un angulo special adicional den dje, cual ta traha p’e gobierno prome cu esun di Gabinete Wever-Croes, den un protocol firma na 2014/2015. A keda palabra cu no por cambia ley di LAft sin cu politica di Den Haag duna su aprobacion na dje.
Cu esey a eleva e nivel dje landsverordening y e no ta completamente den mas di parlamento. Semper Hulanda tin di duna su aprobacion y esey ta e unico ley cu ta asina. E ta duna asina e siguridad cu Hulanda por tin.
Segun Wever-Croes, a palabra cu lo manda un ke otro riba papel y mand’e Hulanda. Pa loke ta e dialogo, negociacion riba RAft ta continua.
Pa mas lesa TREMPAN.COM.
