Recientemente, Caribbean Arthritis Foundation (CAF) a bishita e Reumatology Center y a entrega bukinan informativo na e dos reumatologonan, esta Dr. Rashidi Rellum y Dr. Jessica van Nies. E bukinan ta contene informacion over di con e pashentnan di artritis ta hiba nan bida diario compartiendo tips valioso cu otro pashent cu e meta pa mehora nan calidad di bida.
Pronto CAF lo entrega un pakete di e bukinan aki na e veld di cuido na Aruba, muy en particular na e dokternan di cas en conexion cu e “Early Diagnosis Program”. Un pashent cu ricibi tratamento na tempo, ta mehora su calidad di bida substancialmente. CAF ta sostene e Sustainable Development Goals: Bon salud y bienestar (3), reduci desigualdad (10) y cera acuerdo y lasonan pa realisa meta (17).
