Awe mainta a tuma luga e acto di entiero y despedida di famia, colega, amigo y persona hopi stima den comunidad. Cuerpo di Bombero di Aruba a brinda su ultimo respet na Bevelvoerder Mickel Tromp cu un entiero cu protocol Bomberil.
For di 9:30AM a compaña e defunto for di Aurora Funeral Home na Cumana, escolta pa Polis e hiba e defunto pa su Post na Tanki Flip (Post Tango) caminda e ceremonia oficial a tuma luga. A hiba palabra Pastoor Jairo na inicio, Comandante ing. Edward de Cuba, Minister di Husticia mr. Andin Bikker, coleganan den Cuerpo di Bombero y lesamento di lectura di oracion di Bomberonan. Na final e ultimo yamada na Bevelvoerder Mickel Tromp cu zonido di sirena.
Pa 12:00PM a continua cu escolta di e stoet funebre direccion Misa Santa Anna na Noord. A pasa cu e defunto Veld di SV Bubali caminda pa hopi aña a practica futbol, comparti talento y memorianan bunita y laga un sin fin di recuerdo atras. Depues pa sigui direccion Misa pa su ultimo luga di sosiego.
Un despedida digno di e gran persona, amigo, colega cu e tabata. Cu Mickel descansa na paz.
