E compania Ruckus Networks a aserca SETAR pa hunto hasi un evento pa splica tanto interno como externo di nan servicionan. SETAR tin hopi aña trahando conhuntamente cu Ruckus. Nan ta provee SETAR cu solucion pa Internet cu nan wireless Wi-Fi access point.
Diamars 24 di september SETAR a tene un training interno pa empleadonan di diferente departamento tecnico pa por siña di Wi-Fi 6 y solucionnan cu Ruckus ta bin cune pa cliente. E evento aki a wordo patrocina pa WAV, Inc. kende ta un distributor di LTE, wireless broadband, networking y ekipo di Wi-Fi.
Durante e training a splica over di Wi-Fi 6, cu ta e siguiente generacion di e tecnologia di Wi-Fi, y solucionnan cu lo beneficia SETAR y su clientenan. Diaranson 25 di september SETAR a organisa un lunch na El Gaucho caminda a invita algun cliente tambe pa haya presentacion di Ruckus. Asina aki SETAR ta sigi traha pa informa y ofrece su clientenan un miho experiencia.
